शुक्रबार माइक्रोसफ्ट कम्पनीको शेयर मूल्यमा १ प्रतिशतले वृद्धि भएर ३२७.५० डलर पुगेको थियो भने एप्प्ल कम्पनीको शेयर मूल्य ४ प्रतिशतले घटेर १४६.४१ डलर पुगेको थियो ।
विश्वको सबैभन्दा मूल्यवान कम्पनीको रुपमा माइक्रोसफ्टले एप्पललाई पछि पारेको यो पहिलोपटक भने होइन । यसअघि सन् २०१८ र सन् २०२० को जुलाइमा पनि माइक्रोसफ्ट पहिलो स्थानमा उक्लिएको थियो । त्यस्तै गुगलको मातृ कम्पनी अल्फाबेटले पनि सन् २०१६ मा एप्पललाई पछि पार्दै विश्वको सबैभन्दा मूल्यवान कम्पनीको उपाधि पाउन सफल भएको थियो ।
कतिपय समयमा दोस्रो स्थानमा झर्नु परेपनि एप्पल विश्व बजारमा अग्रणी स्थानमा रहँदै आएको छ, लामो समयदेखि । सन् २०१८ मा एप्पल १० खर्ब बजार मूल्य भएको पहिलो अमेरिकी कम्पनी बनेको थियो । त्यसको दुई वर्षपछि नै एप्पलले २० खर्ब बजार मूल्यको कोशेढुंगा पार गर्दै अर्को कीर्तिमान कायम गरेको थियो ।
साभार : Online Khabar
